डोल्पा: हिमाली जिल्ला डोल्पाको छार्का ताङसोङ गाउँपालिका र मुस्ताङको वारागुङ मुक्तिक्षेत्र गाउँपालिका बीच धार्मिक, सांस्कृतिक, भाषिक, सडक पूर्वाधार, पशुपालन, जडीबुटी तथा पर्यटन विकासका सम्भावनाबारे अन्तरपालिका समन्वय बैठक सम्पन्न भएको छ।
मंगलबार मुस्ताङको वारागुङ मुक्तिक्षेत्र गाउँपालिकामा पालिकाका अध्यक्ष रिङजीन नामगेल गुरुङको अध्यक्षतामा दुई पालिका बीचको अन्तरपालिका समन्वय बैठक सम्पन्न भएको हो।
दुई पालिका बीचको अन्तरपालिका समन्वय बैठकले छार्का–मुस्ताङ सडक सञ्जाल विस्तार र सुधार, पशुपालन तथा पर्यटन क्षेत्रको प्रवर्द्धन, बसाइ–सराइका विषयमा सहजीकरण, असल अभ्यास आदान–प्रदान मार्फत आपसी सम्बन्ध सुदृढीकरण लगायतका विषयमा छलफल गरी निर्णय गरेको छ।
बैठकमार्फत दुबै पालिकाले भौगोलिक, सांस्कृतिक र विकासका समानताहरूलाई आधार मानी दीर्घकालीन सहकार्य गर्दै जाने प्रतिबद्धता समेत जनाएका छन्।
कार्यक्रममा दुवै गाउँपालिकाका पदाधिकारी तथा कर्मचारीहरूको सक्रिय सहभागिता रहेको थियो।
गण्डकी प्रदेशमा पर्ने मुस्ताङको वारागुङ मुक्तिक्षेत्र गाउँपालिका र कर्णाली डोल्पाको छार्का ताङसोङ गाउँपालिकाले यो बैठकले दुई प्रदेशको सम्बन्ध समेत बलियो बनाएको छ। यी दुई पालिकाका गण्डगी र कर्णाली प्रदेश जोड्ने मुख्य केन्द्रबिन्दु समेत हो।
प्रतिक्रिया
सम्बन्धित खवर
चैत्र २३, २०८२ सोमबार 45 Views
चैत्र २३, २०८२ सोमबार 12 Views
चैत्र २३, २०८२ सोमबार 178 Views
