पूर्ण सार्की/डोल्पा: हिमाली जिल्ला डोल्पाको त्रिपुरासुन्दरी नगरपालिका वडा नं ११ मुहूद्वारा आयोजित प्रथम वडा कप खेलकुद प्रतियोगिताको भलिबल तर्फको खेलमा त्रिपुरासुन्दरी नगरपालिका वडा नं १ को भलिबल टिम फाइनलमा प्रवेश गरेको छ।

सेमिफाइनल तर्फ शुक्रबार भएको पहिलो खेलमा त्रिपुरासुन्दरी १ ले आयोजक’A’ मुहुँलाई सोझो सेटमा हराउँदै फाइनलमा आफ्नो स्थान सुरक्षित गरेको हो।

त्रिपुरासुन्दरी १ ले आयोजक’C’ बन्तडीलाई हराउँदै आफ्नो सेमिफाइनल यात्रा तय गरेको थियो। सेमिफाइनलको दोश्रो अथवा अन्तिम खेल भने शनिबार बिहान हुने छ।

सेमिफाइनल दोश्रो खेलमा त्रिपुरासुन्दरी ६ फुल्चिङ र त्रिपुरासुन्दरी ८ बीच हुने भएको छ।

त्रिपुरासुन्दरी ६ ले त्रिपुरासुन्दरी २ लाई हराउँदै सेमिफाइनलको यात्रा तय गरेको हो ।

यो दुई बीचको विजेता टिमले फाइनलमा त्रिपुरासुन्दरी १ संग उपाधिको लागि भिड्ने छ। फाइनल पुगेका दुई टिम मध्यको विजेता टीमले प्रथम वडा कपको उपाधि हासिल गर्ने छ भने हरेको टोली उप विजेता हुने छ।

प्रथम वडा कप खेलकुद प्रतियोगितामा भलिबल तर्फको विजेता टीमले नगद रु. ५०,५०५, ट्रफि, मेडल सहित प्रमाणपत्र प्राप्त गर्ने छ।

उपविजेताले नगद रु. ३०,३०५, ट्रफि, मेडल सहित प्रमाणपत्र, तृतीय हुनेले नगद रु. १५,१०५, ट्रफि, मेडल र प्रमाणपत्र प्राप्त गर्ने छ।

प्रतियोगितामा भोलि शनिबार पुरुष भलिबल सहित घोडा दौड, छेलो फाल्ने, हाईजम्प र लङ्जम्पका साथै विविध सांस्कृतिक प्रस्तुतीहरु समेत राखिएको छ।

तस्बिर: पूर्ण सार्की/ रंगीन पाटी