सुर्खेत: सुर्खेतको चिंगाड गाउँपालिका मटेला स्थित ठाँटी मेलामा जारी भलिबल प्रतियोगिताको उपाधि सल्यानको बनगाड कुपिण्डे दह (गणेश निर्माण सेवा)को भलिबल टिमले उचालेको छ।

आईतबार भएको फाइनल खेलमा बनगाड कुपिण्डेले रुकुम पश्चिम आठबिसकोटको भलिबल टिमलाई हराउँदै भलिबल कपको उपाधि हात पारेको छ।

फाइनलमा बनगाड कुपिण्डेको भलिबल टिम सग पराजित बने सगै आठबिसकोट प्रतियोगिताको उप विजेता बनेको छ।

आईतबार भएको सेमिफाइनलको पहिलो खेलमा बनगाड कुपिण्डे दहले सुर्खेतको लेखबेशीलाई सोझो सेटमा गराउँदै फाइनलको यात्रा तय गरेको थियो । आठबिसकोट भने चिंगाडको भलिबल टिमलाई हराउँदै फाइनल प्रवेश गरेकी थियो।

गत कार्तिक १९ गते देखि ‘स्वास्थ्यका लागि खेल, राष्ट्रका लागि खेलकुद’ भन्ने नाराका साथ ठाँटी मेलामा ठाँटी बजार व्यवस्थापन समिति द्वारा आयोजित अन्तरपालिका स्तरीय पुरुष भलिबल प्रतियोगिता – २०८२ मा प्रथम हुने बनगाड कुपिण्डेले ट्रफी , प्रमाणपत्र र मेडल सहित नगद रु. १ लाख ६५ हजार ५ सय ५५ रुपियाँ प्राप्त गरेको छ।

द्वितीय हुने आठबिसकोटको भलिबल टोलीले ट्रफी , प्रमाणपत्र र मेडल सहित नगद रु. १ लाख ११ हजार १ सय ११ रुपैयाँ प्राप्त गरेको छ।

प्रतियोगितामा तृतीय हुने भलिबल टोलीले ट्रफी , प्रमाणपत्र र मेडल सहित नगद रु. ५५ हजार ५ सय ५५ प्राप्त गरेको छ।

त्यस्तै प्रतियोगिताको उत्कृष्ट खेलाडीले प्रमाणपत्र र मेडल सहित नगद रु. १० हजार प्राप्त गर्ने गरेका छन् । त्यस्तै प्रतियोगितामा विभिन्न विद्या तर्फ उत्कृष्ट हुनेले , प्रमाणपत्र र मेडल सहित नगद रु. ३ हजार प्राप्त गरेको मेलाका खेल संयोजक खगेन्द्र जिसीले जानकारी दिए। खेल संयोजक जीसीका अनुसार फाइनल खेलहरूलाई हेर्न स्थानीय दर्शकको उत्साह उच्च सगै मेलाको वातावरण झन् रंगिन बन्दै गएको थियो ।