डोल्पा: हिमाली जिल्ला डोल्पामा माटोको ढिस्कोमा परी तीन महिला घाइते भएकी छन् ।
शुक्रबार बिहान त्रिपुरासुन्दरी नगरपालिका ९ चूँ गाउँमा दशैंको लागि घर पोत्ने माटो खन्ने क्रममा माटोको ढिस्को खस्दा सोही गाउँकी तीन महिला घाइते भएकि हुन ।

माटोको ढिस्कोमा परी त्रिपुरासुन्दरी ९ चु गाउँकी अन्दाजी ७० वर्षीया बिनरुपा बोहोरा, २९ वर्षीया मनपुरा बि.क र २९ वर्षीया अरुना थकाली घाइते भएको जिल्ला प्रहरी कार्यालय डोल्पाले रंगीन पाटीलाई जानकारी दिएको छ।

माटोको ढिस्कोमा परी घाइते भएकी तीनै जनालाई  जिल्ला अस्पताल दुनैमा उपचारका लागि ल्याइएको थियो।
घाइते तीन मध्य बोहोराको मुखभित्र रगत निस्किएको र बाँया आँखामा चोट लागेको छ भने , विकको शरीरको तल्लो भागमा भित्री चोट लागी हिँडडुल गर्न नसक्ने अवस्थामा रहेको कारण घाइते दुवैलाई कर्णाली प्रदेश अस्पताल रिफर गरिएको छ भने थकालीको भने अवस्था सामान्य रहेको अस्पतालले रंगीन पाटीलाई जानकारी दिएको छ।

हिन्दूहरुको महान चाड दशैं नजिकिए सगै अहिले डोल्पाका स्थानीय बासिन्दा सदाझैं घर लिपपोतमा व्यस्त देखिन्छन् ।
घर लिपपोतका लागि माटो खन्दा विशेष सावधानी अपनाएर खन्नु हुन जिल्ला प्रशासन कार्यालय डोल्पाले अनुरोध समेत गरेको छ।