युवा हरुको होस् बिनाको जोसले,

भरष्ट्रचारीको भ्रष्ट्राचार को दोषले,

आज पूरै नेपाल जल्यो जलाइयो

आधा नेपाल पहिलै जलेको थियो घुसले ।।

यहाँ ……यहाँ ..

न्यायाधीश जल्नुपर्ने थियो न्यायलय मात्र जल्यो ,

गभर्नर जल्नुपर्ने थियो राष्ट्र बैंक मात्र जल्यो ,

मन्त्रीहरु जल्नु पर्ने थियो मन्त्रालय मात्र जल्यो ,

सांसदहरु जल्नु पर्ने थियो सभाहल मात्र जल्यो ,

जलाउनु पर्ने कुरा जलाउन नसक्दा मनमा आगो बल्यो ,

यति भयो बालेनले सोचेको सिंहदरबार जल्यो

 प्रचण्डले ढाल्न चाहेको सरकार ढल्यो ।।

यो युवा आन्दोलन लक्ष्य विहिन भयो ।

लाखौं दक्षहरुको आन्दोलन दक्ष विहिन भयो ।।

रहेनन् देशको कागजात, रहेनन् भ्रष्टाचारको फाइल ,

भरष्ट्रचारी उम्कन पाउने , कैदीहरु निस्कन पाउने

एतिहासिक संरचन आगो लगाउने ,भरष्ट्रचारीको घर बचाउने

साधारण जनताले ज्यान गुमाउने , हत्यारा सरकार छुट्टै रमाउने

कस्तो सोचेर कस्तो भयो आन्दोलनको हाल

सिंहदरबार सँगै जल्यो एतिहासीक नेपाल ।।

राणाको दास बन्न नचाहेर राणाशासन फालियो ,

राजाको रैती बन्न नचाहेर राजतन्त्र फालियो ,

विश्वमा उत्कृष्ट अहिलेको यही लोकतन्त्र गणतन्त्र हो

यो भन्ने दिन ल्याउनु हुँदैन चित्त नबुझेर यही फालियो ।

नजुदुन युवा उही पुराना कालेहरु जस्तै गरेर ,

नबेचुन देश देश द्रोही सालेहरु जस्तै गरेर ,

केही कुरा नगर्नु थियो सकाई सकियो गरेर,

कोही युवा नमर्नु थियो अस्ताई सके मरेर,

अब ………

कदम चाली सकियो पाईला आगाडी नै बढाउनु पर्छ ।

संसदमा रहेका भ्रष्ट दलाल सडकमै लडाउनु पर्छ ।।

युवा हरुकै हातमा देश पर्नु पर्छ ,

हामीले चाहेको जस्तै देश विकास गर्नु पर्छ ,

नत्र मरेका कलिला आत्माले चिरशान्ति पाउने छैनन् ।

सन्तान गुमाउँदा रोएकी आमाको आँसु रोकिने छैनन् ।।

भ्रष्ट नेताले गरेको पापको पराचित भइसकेको छ ।

नेपाल अब केवल युवाले चाहेको हात आइसकेको छ ।।

जसरी एतिहासिक संरचना ध्वस्त बनाउन हामी जुट्यौ ।

त्यसरी नै उठौ नेपालका सारा युवा देश बनाउन लाई जुटौं ।।

सुरेन्द्र रावल ‘हुम्ली’