डोल्पा: हिमाली जिल्ला डोल्पाको त्रिपुरासुन्दरी नगरपालिका वडा नं ११ मुहूद्वारा आयोजित प्रथम वडा कप खेलकुद प्रतियोगिताको भलिबल तर्फको उपाधि त्रिपुरासुन्दरी नगरपालिका वडा नं १ को भलिबल टिमले लगेको छ।

आईतबार भएको फाइनल खेलमा त्रिपुरासुन्दरी १ ले त्रिपुरासुन्दरी ६ लाई हराउदै फाइनलमा उपाधि हात पारेको छ।

सेमिफाइनल तर्फ शुक्रबार भएको पहिलो खेलमा त्रिपुरासुन्दरी १ ले आयोजक’A’ मुहुँलाई सोझो सेटमा हराउँदै फाइनलमा आफ्नो स्थान सुरक्षित गरेको थियो भने शनिबार भएको सेमिफाइनलमा खेलमा त्रिपुरासुन्दरी ६ ले त्रिपुरासुन्दरी ८ को टिमलाई हराउदै फाइनल यात्रा सुरक्षित गरेको थियो ।

फाईनलमा त्रिपुरासुन्दरी १ ले पहिलो सेटमा पहिलो सेट २५-१७,दोश्रो सेट : २५-२२ , तेश्रो सेट २५-२३ काे सोझो अन्तरालमा प्रथम वडा स्तरीय भलिवल कप २०८२ काे उपाधि हात पारेको हो।फाइनल खेलमा पराजित भए सगै त्रिपुरासुन्दरी ६ उपविजेता बनेको छ।

सेमिफाइनलमा त्रिपुरासुन्दरी ११ आयोजक’A’ मुहुलाई हराएर फाइनल यात्रा तय गरेको थियो भने त्रिपुरासुन्दरी ६ ले त्रिपुरासुन्दरी ८ लाई हराउदै फाइनल यात्रा तय गरेको हाे।

प्रथम वडा कप खेलकुद प्रतियोगितामा भलिबल तर्फको विजेता टीमले त्रिपुरासुन्दरी १ ले नगद रु. ५०,५०५, ट्रफि, मेडल सहित प्रमाणपत्र प्राप्त गरेको छ। उपविजेता टीम त्रिपुरासुन्दरी ६ ले नगद रु. ३०,३०५, ट्रफि, मेडल सहित प्रमाणपत्र, तृतीय हुने त्रिपुरासुन्दरी ८ ले नगद रु. १५,१०५, ट्रफि, मेडल र प्रमाणपत्र प्राप्त गरेको छ।

त्रिपुरासुन्दरी १ ले पहिलो पटक कुनै ट्रफी जितेकाे छ। यो ट्रफी सगै त्रिपुरासुन्दरी १ का सम्पूर्ण वडा बासिमा खुसियाली छाएको छ।

प्रतियोगिताकाे समूहगत खेलमा त्रिपुरासुन्दरी ६ लाई हराउदै १ समूह विजेता बन्दै क्वार्टर फाइनलमा गएको थियो भने ६ उप विजेता बनेको थियो। फाइनल पुनः यो दुवै टोली आमनेसामने भएका हुन्।