कालिकोट। कालीकाेटकाे खाँडाचक्र नगरपालिका -२ मेयर खाेला नजिकै एम्बुलेन्स  दुर्घटना हुँदा दुई जनाको ज्यान गएको छ भने दुई जना गम्भिर घाईते भएका छन्।

जुम्लाको हिमा गाउँपालिका देखि सुर्खेत जाँदै  गरेको हिमा गाउँपालिकाको एम्बुलेन्स कालीकोटको मेयर खोला नजिकै दुर्घटनामा भएको हाे।

दुर्घटनामा परी   हिमा गाउँपालिकाका एम्बुलेन्स चालक  २६ वर्षका शक्ति शाही र साेही गाउँपालिकाका ३२ वर्षका का भिमराज अधिकारीकाे मृत्यु भएको जिल्ला प्रहरी कार्यालय कालीकाेटले जनाएको छ। घाइते हुनेमा  हिमा गाउँपालिकाका लाेकेन्द शाही र अक्कल अधिकारी रहेका छन् ।

विरामी लिएर सुर्खेत जादैगर्दा एम्बुलेन्सकाे दुर्घटनामा परेको प्रहरी जनाएको छ। एम्बुलेन्समा चालक सहित ४ जना सवार थिए ।  घाइते दुईजनाको जिल्ला अस्पताल कालीकाेटमा उपचार हुदै छ।