डोल्पा। हिमाली जिल्ला डोल्पामा विद्युतीय सुरक्षा दिवसको अवसर पारेर प्रभातफेरी निकालिएको छ ।

विद्युत प्राधिकरण डोल्पा वितरण केन्द्रको आयोजनामा ‘विद्युतीय खतराबाट बचौ र बचाऔँ’ भने मूल नारासहित बिहीबार बिहान सदरमुकाम दुनैमा ३०औँ विद्युतीय सुरक्षा दिवसको अवसर पारेर प्रभातफेरी कार्यक्रममको आयोजना गरिएको विद्युत प्राधिकरण वितरण केन्द्र डोल्पाका सूचना अधिकारी ध्रुब विकले जानकारी दिए ।

प्रभातफेरी कार्यक्रममा विद्युतकाे सुरक्षित उपभाेग सम्बन्धि सचेतना मुलक प्लेकार्ड र नारासहित कार्यरत कर्मचारी र जिल्ला स्थित सरोकारवाला निकायहरूको सहभागितामा कार्यालयबाट सुरु भएको प्रभातफेरी बजार परिक्रमा गर्दै पुनः कार्यालयमा आएर समापन भएको थियो ।

विद्युत प्राधिकरणले हरेक वर्ष चैत्र २६ गते विद्युतीय सुरक्षा दिवस मनाउदै आएको छ । विद्युतीय दुर्घटना न्यूनीकरणका लागि जनचेतना फैलाउन तथा सुरक्षित विद्युत सेवाको सहज पहुँच, गुणस्तरिय सामाग्रीको प्रयोग र किफायती उपभोग एवं चुहावट नियन्त्रणका लागि उपभोक्तामा वढी भन्दा वढी सचेतना र जागरुकता सञ्चार गराउने उद्देश्यका साथ कार्यक्रम गरिएको बितरण केन्द्रका सूचना अधिकारी बिश्वकर्माले बताए।