पुर्ण सार्की/डोल्पा: हिमाली जिल्ला डोल्पाको त्रिपुरासुन्दरी नगरपालिकाले आफ्नै पहिचान समेटिएको आधिकारिक लोगो छनोट गरेको छ।

लोगो छनोटका लागि नगरपालिकाका निमित्त प्रमुख प्रशासकीय अधिकृत भीम बहादुर थापाको संयोजकत्व गठित समितिको आइतबार बसेको बैठकले लोगो छनोट गरेको नगरपालिकाका सूचना अधिकारी डा.हेमन्त शाहीले जानकारी दिए।

विभिन्न व्यक्ति तथा निकायले प्रस्तुत गरेका १४ वटा लोगो डिजाइनर मध्य दोलखा स्थित विरसम श्रेष्ठ ग्राफिकस डिजाइनर द्वारा तयार पारिएको लोगो अन्ततः छनोट भएको छ।

नगरपालिकाको गत वैशाख १७ गते बसेको बैठकले आफ्नै लोगो प्रयोगमा ल्याउने भनि समिति गठन गरी वैशाख १९ गते लोगो सम्बन्धी सूचना सार्वजनिक गरेको थियो। सोही अनुसार १ महिनाको समयावधि तोकी उत्कृष्ट लोगों बनाई सम्बन्धित कार्यालयमा पेश गर्न भनी सूचनामा भनिएको थियो।

आधिकारिक लोगोको लागि १४ वटा ग्राफिक्स डिजाइनरले लोगो बनाई नगरपालिकामा पेश गरेका थिए। ती मध्य विरसम ग्राफिक्स डिजाइनले तयार पारेको लोगों नगरपालिका द्वारा निकालिएको सूचना अनुसार उत्कृष्ट भै छनोट भएको हो।  नगरपालिकाले छनोट भएको लोगोलाई नगद रु. २५ हजार पुरस्कारको समेत व्यवस्था गरेको छ।

सूचना अधिकारी शाहीका अनुसार, छनोट गरिएको लोगो अब नगरपालिकाको कार्यपालिका बैठकमा पेश गरि र स्वीकृत गरे पश्चात सार्वजनिक गर्ने र आगामी दिनमा औपचारिक रूपमा प्रयोगमा ल्याइनेछ।