डोल्पा: डोल्पा र रुकुम पश्चिमको सिमानामा पर्ने त्रिवेणीस्थित ठुली भेरी नदीको किनारमा बेवारिसे अवस्थामा एक अज्ञात शव फेला परेको छ।

सोमबार बिहान त्रिवेणी क्षेत्रमा ठुली भेरी नदीको किनारमा शव देखिएको मुडकेचुला गाउँपालिका–३ का वडा अध्यक्ष विष्णु बूढाले रंगीन पाटीलाई जानकारी दिए।

उनका अनुसार भेरीनदीको बहाव अत्यधिक उच्च रहेकाले शव महिला हो वा पुरुष भन्ने कुरा अहिलेसम्म पहिचान हुन सकेको छैन।

शव फेला परेपछि उक्त विषयमा जिल्ला प्रहरी कार्यालय डोल्पालाई जानकारी गराइएको छ। जानकारी पश्चात घटनाको अनुसन्धानका लागि घटना स्थलमा प्रहरी परिचालन भइसकेको जिल्ला प्रहरी कार्यालय डोल्पाका प्रहरी नायब उपरीक्षक (डिएसपी) रूक बहादुर खड्काले रंगीन पाटीलाई जानकारी दिए।

प्रहरीका अनुसार ठुली भेरी नदीमा पानीको सतह उच्च रहेकाले शव निकाल्न कठिनाई भइरहेको छ ।