अपडेट

म चोर हुँ भन्न त सकिनँ तर देखाएँ छोडेँ।

म चोर हो भनेर देखाउन सकिनँ तर लेखाएँ छोडेँ॥

म चोर भन्दै कराउन सकिनँ,

तर अरू चोर हुन् भनेर कराउन छोडिनँ॥

मलाई त चोरकै कथा लेख्न मन थियो,

तर के गर्ने, आफ्नै कथा लेख्न पनि सकिनँ॥

मेरो तस्बिर पत्रकारले पत्रिकामा छापिदियो,

म अरूलाई दोष लगाउँदै थिएँ, मेरो तस्बिर ‘चोर’ भनेर राखिदियो॥

‘चोर आयो, चोर आयो’ भनेर कराउँदै हिँड्थेँ,

त्यो चोर म नै हुँ भनेर कहिले भन्न सकिनँ॥

अन्ततः मनले स्विकार्यो आफ्नै छाया चोर हो ।

अब सत्य बोल्दा डर छैन, सत्यमै जोर हो॥

अन्धकारको नकाब च्यात्दै उज्यालोमा उभिएँ,

सत्यको आवाजमा अब म आफैँलाई देखेँ।

लेखक : कुल बहादुर कुलाल

यहाँ प्रकाशित कुनै समाचारमा तपाईंको गुनासो भए हामीलाई ranginpati123@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।