अपडेट

डोल्पा। हिमाली जिल्ला डोल्पामा नेकपा एमालेका केन्द्रीय अध्यक्ष केपी शर्मा ओलीको पक्राउविरुद्ध प्रदर्शन गरिएको छ ।

नेकपा एमाले डोल्पाको आयोजनामा सदरमुकाम दुनै बजारमा प्रदर्शन गर्दै एमालेका कार्यकर्ताहरूले सरकारविरुद्ध नाराबाजी गरेका हुन्।

प्रदर्शनकारीहरूले ‘असक्षम गृहमन्त्री राजीनामा दे’, ‘ओलीलाई बिना सर्त रिहा गर’, ‘कानुनी राज्यको पालना गर’ ‘नेकपा एमाले जिन्दावाद’ जस्ता नारा लगाउँदै प्रदर्शन गरेका हुन् ।

नेकपा एमाले जिल्ला कार्यसमिति डोल्पाले तत्काल सरकारको नियन्त्रणमा रहेका अध्यक्ष ओलीलाई रिहा गर्न माग गर्दै प्रदर्शनकारीहरूले जिल्ला प्रशासन कार्यालयको मूल गेटमा समेत नाराबाजी गरेका थिए ।

प्रदर्शन सँगै एमाले डोल्पाका जिल्ला अध्यक्ष लंक बहादुर रोकायाले प्रमुख जिल्ला अधिकारी जुनु ढकाल हमाललाई विरोधपत्र बुझाउँदै ओलीको गिरफ्तारी लोकतान्त्रिक मूल्य-मान्यता र कानुनी शासनविपरीत भएको बताएका छन्।

विरोध प्रदर्शनमा नेकपा एमालेका शुभेच्छुक तथा भातृ संगठनका नेता–कार्यकर्ताहरूको उल्लेख्य सहभागिता रहेको थियो।

यहाँ प्रकाशित कुनै समाचारमा तपाईंको गुनासो भए हामीलाई ranginpati123@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।