सुर्खेत । जाजरकोटको नलगाड नगरपालिका–२ छेप्कामा भएको आगलागीमा घाइते भएकी एक महिलाको उपचारको क्रममा मृत्यु भएको छ।

गत चैत २९ गते आइतबार बिहान ग्यास सिलिन्डर लिक भई स्थानीय ठालु प्रसाद जैसीको घरमा आगलागी हुँदा तीन जना घाइते भएका थिए।

घाइते भएका मध्य घरधनीकी ४२ वर्षीया धर्मपत्नी माया जैशीको काठमाडौँस्थित कीर्तिपुर जलन अस्पतालमा उपचारका क्रममा मृत्यु भएको उनका आफन्त छवि पन्तले जानकारी दिए ।

आगलागीमा परी घाइते भएका अन्य दुई जना रुपा जैशी र घरधनीको छोरा छोरा गणेश गौतमको काठमाडौँमै उपचार भइरहेको परिवारले जानकारी दिएको छ।

घाइते उनीहरुलाई नेपाली सेनाको हेलीकप्टर मार्फत उद्धार गरी नेपालगञ्ज पुर्याइएको थियो । त्यहाँ पनि उपचार सम्भव नभएपछि थप उपचारको लागि सङ्घीय राजधानी काठमाण्डौमा लागिएको परिवारले बताएको छ ।