डोल्पा । हिमाली जिल्ला डोल्पामा गणतन्त्र दिवसको गणतन्त्र दिवसको अवसरमा जिल्लाको सदरमुकाम दुनै बजारमा सरसफाई गरिएको छ ।

बिहीबार बिहान जिल्ला समन्वय समितिका प्रमुख श्याम बहादुर रोकायाको नेतृत्वमा गणतन्त्र दिवसको अघिल्लो दिन दुनै बजारस्थित कालिका मन्दिर, बसपार्क क्षेत्र र सन्तोषीमाता मन्दिर परिसरमा सरसफाई गरिएको हो ।

सरसफाई कार्यक्रममा स्थानीय जनप्रतिनिधि, कर्मचारी, सुरक्षाकर्मी तथा स्थानीयवासीको सहभागिता रहेको थियो । गणतन्त्र दिवसलाई सभ्य र उत्साहपूर्ण रूपमा मनाउने उद्देश्यले सरसफाई कार्यक्रम आयोजना गरिएको जनाइएको छ ।

यस्तै, भोलि शुक्रबार दिवसका दिन बिहान ७ बजे जिल्ला समन्वय समितिबाट प्रभातफेरी कार्यक्रम सुरु हुने समन्वय प्रमुख रोकायले जानकारी दिए ।

उनका अनुसार प्रभातफेरीमा दुनै बजार परिक्रमा गर्ने तथा पुनः जिल्ला समन्वय समितिको प्राङ्गणमा पुगेर औपचारिक रूपमा गणतन्त्र दिवस समारोह मनाइने कार्यक्रम तय समेत गरिएको छ ।