अपडेट

डोल्पा:हिमाली जिल्ला डोल्पाको त्रिपुरासुन्दरी नगरपालिका–१, त्रिपुराकोटस्थित स्वास्थ्य चौकीमा वैशाख २१ गतेदेखि सुरु भएको संयुक्त स्वास्थ्य शिविरमा फिस्टुला, कुष्ठरोग र प्रजनन समस्याजस्ता संवेदनशील तथा दीर्घकालीन रोगहरूका लागि निःशुल्क स्वास्थ्य सेवा प्रदान भइरहेको छ।

त्रिपुरासुन्दरी नगरपालिकाको आयोजनामा जिल्ला जनस्वास्थ्य सेवा कार्यालयको समन्वय, प्लान इन्टरनेशनल नेपाल र जर्मन कोर्पोरेशनको सहयोगमा सञ्चालित उक्त शिविरमा साइनिङ नेपाल र आइएनएफ नेपाल (INF Nepal) सुर्खेतले प्राविधिक सहयोग गरेका छन्।

स्वास्थ्य चौकी लिकुका जन स्वास्थ्य निरीक्षक तुलबहादुर श्रेष्ठका अनुसार शिविरमा विशेष गरी महिलामा देखिने प्रसव पश्चातको फिस्टुला, कुष्ठरोगजस्ता छालासम्बन्धी रोग र लामो समयदेखि सन्तान नहुने समस्याको समाधानमा केन्द्रित सेवा दिइँदैछ।

शिविरमा जिल्ला अस्पताल दुनैका डाक्टर भीमबहादुर बुढा र आइएनएफ सुर्खेतका डाक्टर सुभक्षा देवा श्रेष्ठ नेतृत्वको स्वास्थ्य टोलीले बिरामीहरूको परीक्षण तथा परामर्श सेवा दिइरहेका छन्।

दुरदराज र दुर्गम क्षेत्रबाट स्वास्थ्य सेवा लिन कठिन हुने डोल्पाका स्थानीयवासीका लागि यस्तो शिविरले गुणस्तरीय सेवा पुर्‍याउने विश्वास गरिएको छ।

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।