डोल्पा, साउन २८ : डोल्पाको ठुलीभेरी नगरपालिकाको केन्द्र जुफाल स्थित श्री आदर्श माध्यमिक विद्यालयका विद्यालय व्यवस्थापन समिति (वि.व्य.स) का पदाधिकारीहरूले सामूहिक राजीनामा दिएका छन्।

आज बसेको वि.व्य.स बैठकले अध्यक्ष खिम बहादुर सिंहसहित सम्पूर्ण पदाधिकारीको कार्यकाल तीन वर्षको मात्र भएको र सो अवधि सकिएको कारण देखाउँदै अध्यक्ष सहित सबै सदस्यहरूले सामूहिक राजीनामा दिएको अध्यक्ष सिंहले जानकारी दिए ।

त्रिपुरासुन्दरी नगरपालिकाको अनुरोध

बैठकले कार्यकाल समाप्त भएपनि सम्बन्धित निकायले नयाँ वि.व्य.स गठनका लागि प्रक्रिया अगाडि नबढाएकाले विद्यमान समितिले औपचारिक रूपमा जिम्मेवारी समाप्त गर्ने निर्णय गरेको जानकारी दिएको छ।

वि.व्य.सका पदाधिकारीहरूले आफ्नो कार्यकालमा कुनै पनि भत्ता वा सेवा सुविधा नलिइकन विद्यालयको व्यवस्थापन तथा सञ्चालनमा निरन्तर योगदान गरेको भन्दै विद्यालय परिवारले हार्दिक धन्यवाद व्यक्त गरेको छ।

सम्पूर्ण बिव्यसका सदस्यहरूले सामूहिक राजीनामा दिए सगै अहिले जिल्ला कै नमूना विद्यालयको रूपमा हेरिएको उक्त विद्यालय विद्यालय व्यवस्थापन समिति विहिन बनेको छ।