डोल्पा: क्रान्तिकारी कम्युनिष्ट पार्टीका पोलिट ब्युरो सदस्य शेर बहादुर देउवाले फागुन २१ मा हुने निर्वाचनलाई बहिस्कार गर्ने बताएका छन्।

बुधबार डोल्पामा पत्रकार सम्मेलन गर्दै उनले शुशिल कार्की नेतृत्वको सरकारलाई कठपुतली सरकारको संज्ञा दिँदै उक्त सरकारद्वारा घोषणा गरिएको आगामी फागुन २१ गते हुने प्रतिनिधि सभा निर्वाचनलाई बहिस्कार क्रान्तिकारी कम्युनिष्ट पार्टीले घोषणा गरेको बताएका हुन।

उनले दलीय संसदीय व्यवस्थाको विकल्प खोज्दै आफ्नो पार्टीले वैज्ञानिक समाजबाद उपयुक्त विकल्प रहेको बताउँदै दुई वर्ष पछाडि हुने चुनावलाई अगाडि गराएर कठपुतली सरकार राज्यको ढुकुटी सकाउने तर्फ उत्मुख रहेको आरोप लगाए।

राजनीतिक स्थिरता कायम गर्न नसकी चुनाव मात्रै गराएर समस्याको समाधान हुन नसक्ने भन्दै रोजगारी सिर्जना गर्छु, उद्योग कलकारखाना स्थापना गर्छु भन्ने कुरा चुनाव बाट सम्भव नहुने प्रष्ट पारे ।

उनले वैज्ञानिक समाजबाद स्थापना गर्नुका निम्ति निर्वाचनको विकल्पका रूपमा सर्वक्षिय बामपन्थी, राष्ट्रवादी , देशभक्त प्रगतिशिलहरुको राष्ट्रिय राजनीतिक सम्मेलन गर्नुपर्नेमा जोड दिए।

उनले राष्ट्रिय संयुक्त राजनीतिकको मोर्चा गर्दै स्वाधीन संयुक्त सरकार निर्माण गरी वर्तमान सरकारलाई खारिज गरेर संयुक्त राजनीतिक मोर्चाद्वारा निर्माण भएको सरकारद्वारा जन संविधान निर्माण गरी देशमा सुशासन कायम गर्न सकिने समेत बताए ।