डोल्पा । राष्ट्रिय स्वतन्त्र पार्टी (रास्वपा) डोल्पाले महत्वपूर्ण विषयमा छलफल गर्न जिल्लास्तरीय  बैठकको आह्वान गरेको छ।

रास्वपा जिल्ला कार्यसमिति डोल्पाले मंगलबार एक सूचना जारी गर्दै जिल्लास्थित सम्पूर्ण  जिल्ला कमिटीका पदाधिकारीहरु,नगर/गाउँ कमिटी, वडा कमिटीका पदाधिकारी तथा सदस्यहरूका साथै साधारण सदस्य र शुभचिन्तकहरूलाई अनिवार्य उपस्थितिका लागि आह्वान गरेको छ ।

जिल्लामा संगठन विस्तार, आन्तरिक संरचना सुदृढीकरण तथा समसामयिक राजनीतिक विषयमा छलफल गर्नुपर्ने भन्दै यही वैशाख १५ गते बिहान बैठकको आह्वान गरेको रास्वपा जिल्ला सभापति देवसिं ऐडिले जानकारी दिए ।

उनले उक्त बैठक सदरमुकाम दुनै स्थित जिल्ला समन्वय समितिको सभा हलमा आयोजना हुने बताए ।  बैठकमा पार्टीका सबै तहका नेता-कार्यकर्तालाई समयमै उपस्थित हुन आग्रह समेत गरिएको छ ।