सुर्खेत । काठमाण्डौ जगन्नाथ देवल कारागार सुन्धाराबाट फरार भएका दुई जना कैदी सुर्खेतमा नियन्त्रणमा परेका छन्।

मंगलबार बिहान साढे ११:३० बजे जिल्ला प्रहरी कार्यालय सुर्खेतका प्रहरी नायब निरीक्षक किशोर खत्रीको नेतृत्वमा खटिएको प्रहरी टोलीले सुर्खेतको वीरेन्द्रनगर नगरपालिका १३, झुप्राबाट उनीहरूलाई पक्राउ गरेको हो।

 सुर्खेतको लेकवेशी नगरपालिका–१० बस्ने ज्यानसम्बन्धी मुद्दाका २४ वर्षीय कैदी शिवलाल घिमिरे र सर्लाहीको बागमती नगरपालिका २ बस्ने चोरी मुद्दाका १९ वर्षीय कैदी सागर तामाङलाई पक्राउ गरिएको जिल्ला प्रहरी कार्यालय सुर्खेतकाका प्रहरी नायब उपरीक्षक मोहनजंग बुढथापाले रंगीन पाटीलाई जानकारी दिए।

प्रहरीले उनीहरूलाई नियन्त्रणमा लिएर थप कैद सजायको लागि जिल्ला कारागार कार्यालय सुर्खेतमा पठाएको जनाएको छ।