तान्जानियाको माउन्ट किलिमञ्जारोमा उद्धारका लागि गएको एक हेलिकप्टर दुर्घटनाग्रस्त भएको छ। तान्जानियाको नागरिक उड्डयन प्राधिकरणका अनुसार बिहीबार मेडिकल टिमसहित उद्धारका लागि पुगेको हेलिकप्टर बराफु क्याम्प नजिक खसेको हो।

दुर्घटनामा पाँच जनाको मृत्यु भएको छ। अन्तर्राष्ट्रिय समाचार संस्था रोयटर्सका अनुसार मृतकमा एक गाइड, एक चिकित्सक, पाइलट तथा दुई जना विदेशी पर्यटक रहेका छन्। ती विदेशी पर्यटक कुन देशका हुन् भन्ने विवरण भने सार्वजनिक गरिएको छैन।

स्थानीय पत्रिका म्वानाञ्चीका अनुसार हेलिकप्टर करिब ४ हजार ६७० देखि ४ हजार ७०० मिटर उचाइको क्षेत्रमा दुर्घटनाग्रस्त भएको थियो।

अफ्रिकाकै सर्वोच्च शिखर मानिने माउन्ट किलिमञ्जारोको उचाइ करिब ६ हजार मिटर रहेको छ। प्रत्येक वर्ष करिब ५० हजार पर्यटक किलिमञ्जारो आरोहणका लागि जाने गर्दछन्।

एजेन्सीहरु बाट….