सुर्खेत: नेकपा (माओवादी केन्द्र) कर्णाली प्रदेश सभा संसदीय दलका नेता राजकुमार शर्माले आफ्नो पदबाट राजीनामा दिएका छन्।

शर्माले बुधबार दलका प्रमुख सचेतक कृष्णबहादुर जिसीलाई सम्बोधन गरेर राजीनामा पत्र लेखेका हुन् ।पत्रमा उनले लेखेका छन्, ‘उपरोक्त सम्बन्धमा म राजकुमार शर्मा नेकपा (माओवादी केन्द्र) कर्णाली प्रदेश सभा दलको दल नेताको पदबाट राजीनामा दिएको व्यहोरा अवगत गराउँदछु ।’

तत्कालीन नेकपा माओवादी केन्द्रले एकीकृत समाजवादी सहितका दलहरुसंग मिलेर नयाँ नेपाली कम्युनिष्ट पार्टी बनेको छ। नेकपा बने सगै अलग रहेका जनार्दन शर्माको पक्षमा देखिएका पूर्व मुख्यमन्त्रीले संसदीय दलको नेताबाट राजीनामा दिएका हुन्। तत्कालीन मुख्यमन्त्री शर्मा राजकुमार जनार्दन शर्माको  प्रगतिशिल लोकतान्त्रिक पार्टीका केन्द्रीय सदस्य समेत हुन् ।

यस्तो छ राजीनामा पत्र

शर्माले राजीनामा दिए सगै अहिले कर्णालीमा तत्कालीन नेकपा माओवादी केन्द्रका संसदीय दलको नेताको लागि छलफल चलिरहेको माओवादीका एक संसद्ले रंगिन पाटीलाई जानकारी दिए।
तत्कालीन माओवादी केन्द्रको संसदीय दलको लागि अहिले बैठक चलिरहेको र आकांक्षी धेरै देखिएकोले टुंगिन समयलाग्ने ती नेताले जानकारी दिए।
उनका अनुसार संसदीय दलको नेताको लागि  कर्णाली प्रदेश सरकारका पूर्व कानुन मन्त्री एबम् प्रदेश सभा सदस्य कृष्ण जिसी, पूर्व अर्थ मन्त्री महेन्द्र केसी, पूर्व सामाजिक विकास मन्त्री वीरबहादुर शाही र पूर्व अर्थमन्त्री समेत रहेका विन्दमान विष्टले दाबी गरिरहेका छन्।
यद्यपि दुई पटक मन्त्री बनेका र प्रतक्ष्य निर्वाचन मार्फत दुई पटक नै चुनिएका पूर्व मन्त्रीद्वय जिसी र शाहीले भने संसदीय दलको नेताको लागि आफूहरु योग्य रहेको दाबी गरिरहेका छन्।