रुकुम पश्चिम : प्रगतिशील लोकतान्त्रिक पार्टीका नेता जनार्दन शर्मालाई गृह जिल्ला रुकुम पश्चिममा कालो झण्डा देखाइएको छ ।

पार्टी निर्माण गरे सँगै आईतबार बिहान पहिलो पटक हवाईजहाज मार्फत गृह जिल्ला पुगेका शर्मा विरुद्ध नेपाली कम्युनिस्ट पार्टी (नेकपा) का कार्यकर्ताले कालो झण्डा देखाउँदै विरोध प्रदर्शन गरेका हुन ।

शर्माको आगमनसँगै प्रदर्शनमा उत्रिएका कार्यकर्ताले उनी बिरुद्ध नाराबाजी सगै कालो झण्डा देखाएर प्रदर्शन गरेका थिए।
लामो समय सम्म नेकपा माओवादी केन्द्रबाट जिल्लामा पकड बनाएका शर्मालाई जिल्लामा पहिलो पटक कालो झण्डा देखाइएको हो।
तत्कालीन नेकपा माओवादी केन्द्रले एकीकृत समाजवादी सहितका दलहरुले एकीकृत गरेर नेपाली कम्युनिष्ट पार्टी बनाएपछि जनार्दन पार्टीबाट अलग हुँदै प्रगतिशील लोकतान्त्रिक पार्टी निर्माण गरेका थिए।
उनले पार्टी नै अलग बनाई अगाडि बढ्ने निर्णय गरेपछि रुकुम पश्चिममा उनको क्रेज घट्दै गइरहेको छ। रुकुम पश्चिममा तत्कालीन माओवादी केन्द्र हुँदा बनेका सबै भौतिक संरचनाहरु अहीले भागवण्डा चलिरहेको छ।